"Keşlə" klubunda yeni məşqçi təyinatı olub.
Sportnet.az klubun rəsmi saytına istinadən xəbər verir ki, Rəşad Sadiqovla əməkdaşlıq haqqında müqavilə imzalanıb. Sadiqov bundan sonra komandada baş məşqçinin köməkçilərindən biri kimi çalışacaq.
Qeyd edək ki, Rəşad Sadiqov ötən mövsüm "Neftçi"də Tərlan Əhmədovun rəhbərliyi altında futbolçu kimi forma geyinib. Daha sonra onunla əməkdaşlığa son verilib. O, hazırda "Keşlə"də baş məşqçi kimi çalışan Əhmədova yardımçı olacaq.
