İngiltərə milli komandasının sabiq futbolçusu Ueyn Runi ABş-ın paytaxtı Vaşinqtondakı hava limanında sərxoş vəziyyətdə dava saldığı üçün saxlanılıb.
Sportnet.az-ın "The Guardian"a istinadən məlumatına görə, hadisə dekabrın 16-da baş versə də, indi üzə çıxıb. Həmin vaxt Runi nalayiq hərəkətləri ilə diqqəti cəlb edib və ətrafdan keçənlərlə mübahisə edib. O, ictimai yerdə sərxoş vəziyyətdə, uca səslə söyüş söydüyü üçün həbs edilib.
Lakin məşhur hücumçu sonradan cərimə ödəyərək, müvəqqəti sərbəst buraxılıb.
Ueyn Runi 2016-cı ildə İngiltərə yığmasının oyunlarında iştirakını başa çatdırıb. O, 119 matçda 53 qol vurub. 2018-ci ildən o, ABŞın "Di Si yunayted" klubunda oynayır. Futbolçu 20 matç keçirərək, 12 qol vurub və 6 məhsuldar ötürmə edib.
Bir müddət əvvəl məlum olub ki, Vaşinqtonun Əsas Futbol Liqasında (MLS) çıxış edən "Di Si Yunayted" klubunun hücumçusu Ueyn Runi vida matçı keçirmək üçün futbol üzrə İngiltərə milli komandasında çıxışını bərpa edəcək.
