"Qəbələ" komandası qış hazırlıq dövründə ilk yoxlama oyununu keçirib.
Sportnet.az-ın məlumatına görə, "qırmızı-qaralar" Biləcəri Futbol Mərkəzində I Divizion təmsilçisi "Qaradağ Lökbatan"la üz-üzə gəlib.
Referi Nicat İsmayıllının idarə etdiyi görüş Sənan Qurbanovun baş məşqçi olduğu kollektivin qələbəsi ilə yekunlaşıb - 2:0.
Hesabı 20-ci dəqiqədə Rauf Əliyev açıb. 62-ci dəqiqədə Sabien Lilay yekun nəticəni müəyyənləşdirib.
Görüş "Qəbələ"nin aşkar üstünlüyü şəraitində keçib.
İlk yarıda Ceyms Adeniyi ayağı burxulduğu üçün əvəzlənməli olub. Yeni transfer Davit Vilkoviyə isə Bakıya yeni gəlməsi səbəbindən istirahət verilib.
Yoxlama oyunu
12:00. "Qəbələ" - "Qaradağ Lökbatan" - 2:0
Qollar: Rauf Əliyev, 20. Sabien Lilay, 62
"Qəbələ"nin start heyəti: Dmitri Bezotosnı, Voislav Stankoviç, Bəhlul Mustafazadə, Amin Seydiyev, Qismət Alıyev, Cavid Hüseynov, Elvin Camalov, Stiven Monroz, Rövlan Muradov, Ceyms Adeniyi, Rauf Əliyev.
Biləcəri Futbol Mərkəzi
