Türkiyənin Antalya bölgəsində təlim-məşq toplanışında olan “Sumqayıt” komandası bu gün növbəti yoxlama oyununu keçirib.
Sportnet.az-ın məlumatına görə, Ayxan Abbasovun baş məşqçi olduğu kollektiv Makedoniya “Vardar”ı ilə qarşılaşıb. Manavgat qəsəbə stadionunda təşkil olunmuş oyun "Sumqayıt"ın qələbəsi ilə yekunlaşıb - 3:1. CBC Sport telekanalı ilə canlı yayımlanmış görüşdə qalib komandanın qolları ikinci hissəyə təsadüf edib. 54-cü dəqiqədə Arif Daşdəmirov, 57-ci dəqiqədə Xəyal Nəcəfov və 86-cı dəqiqədə penaltidən Elvin Məmmədov fərqlənib.
Makedoniya çempionatında 18 turdan sonra "Vardar" 35 xalla 2-ci pillədə qərarlaşıb.
Yoxlama oyunu
16:00. "Sumqayıt" - "Vardar" (Makedoniya) - 3:1
Qollar: Arif Daşdəmirov, 54. Xəyal Nəcəfov, 57, Elvin Məmmədov, 86-p. - Yevgeni Novak, 39
Manavqat qəsəbə stadionu
"Sumqayıt": 1. Mehdi Cənnətov, 2. Rail Məlikov, 3. Vurğun Hüseynov (k), 5. Adil Nağıyev, 7. Cavid Tağıyev, 21. Arif Daşdəmirov, 22. Ərfan İsmayılov, 41. Peyman Babaei, 74. Yusif Nəbiyev, 97. Xəyal Nəcəfov, 99. Əli Babayev
Ehtiyat oyunçular: 12. Rəşad Əzizli, 13. Anar Bayramov, 4. Peyman Keşavarz, 6. Səbuhi Abdullazadə, 9. Ehtiram Şahverdiyev, 11. Atilla Yıldırım,17. Nicat Qurbanov, 44. Valeh Seyidov, 60. Elvin Məmmədov, 70. Ülvi İsgəndərov, 90. Elvin Bədəlov.
Manavqat qəsəbə stadionu
Qeyd edək ki, "Sumqayıt" ilk yoxlama matçında Qazaxıstanın "Jetısu" komandası ilə 1:1 hesablı heç-heçə edib. Bosniya və Herseqovina "Çelik"ilə qarşılaşma isə baş tutmayıb.
