Topaz Premyer Liqasının XXVII turu “Zirə”də debütlə əlamətdar olub.
Sportnet.az xəbər verir ki “Keşlə”ylə səfər matçında (3:1) start heyətində yer alan Orxan Sadıqlı “qartallar”ın formasında ilk oyununu keçirib.
O, klub tarixinə Premyer Liqada forma geyinən 72-ci futbolçu kimi düşüb. Orxana qədər 71 oyunçu çempionatın yüksək dəstəsində komandamızın şərəfini qoruyub.
Sadıqlı “Zirə”nin Premyer Liqadakı futbolçuları arasında 4-cü qapıçıdır. Onadək üç qolkiper komandamızın uğurları üçün çalışıb. Bunlar Anar Nəzirov, Kamal Bayramov və Abdulla Seyidəhmədovdur.
