Çilidə
təşkil olunacaq Kopa Amerika-2015 turnirinin talismanı məlum olub. Sportnet.az-ın
turnirin rəsmi saytına istinadən məlumatına görə, talisman tülkü olacaq.
Təşkilatçılar
talismanın tülkü seçilməsini bu heyvanın Çili və digər Cənubi Amerika ölkələrində
çoxlu sayda yaşaması ilə əlaqələndiriblər.
Düzdür
talismanın hələlik adı yoxdur, ama bunun azarkeşlər tərəfindən sms-səsvermə
nəticəsində müəyyənləşdirilməsi planlaşdırılır. Bunun üçün 3 variant təklif
olunub: Zinça, Andi və Kul.
Qeyd edək ki, turnirin püşkatması 24 noyabrda atılacaq. Oyunlar isə 2015-ci il iyunun 11-dən iyulun 4-ü aralığında keçiriləcək.
