“Zirə” və "Qəbələ" komandaları tarixdə 21-ci dəfə bu gün Azərbaycan Premyer Liqasının XIX tur matçında üz-üzə gələcəklər.
Sportnet.az xəbər verir ki, əvvəlki 20 oyundan 8-də qalib gələn "qırmızı-qaralar" eyni sayda heç-heçə edib və yalnız 4 dəfə uduzub. Bu üstünlük top fərqində də əks olunub. 29 qol vuran əyalət futbolçuları 17 top buraxıb. Aleksey Qay komandanın bu görüşlərdəki ən yaxşı bombardiridir – 4 qol.
Əvvəlki 20 matçdan ikisi kubok, digərləri çempionat çərçivəsində baş tutub. Premyer Liqadakı 18 oyunda altı dəfə 3 xala sevinən “qırmızı-qaralar” səkkiz dəfə 1 xalla kifayətlənib. Komanda 4 dəfə meydanı məğlub tərk edib. Çempionatda 22 qol vuran “Qəbələ” 15 top buraxıb.
10 səfər görüşündə eyni sayda – 3 dəfə qələbə qazanan və məğlub olan “qırmızı-qaralar” dörd dəfə sülhlə dönüb. Top fərqi də əyalət komandasının xeyrinədir – 13:10.
Qeyd edək ki, Zirə İdman Kompleksinin stadionunda keçiriləcək görüş saat 15:00-da başlanacaq.
