
Azərbaycan Premyer Liqasında bu həftə XXI turun görüşləri ilə III dövrəyə yekun vurulacaq.
Sportnet.az xəbər verir ki, "Zirə" dövrənin son matçını "Səbail"ə qarşı keçirəcək. “Qartallar”ın səfər qarşılaşması iki komanda arasında 14-cü duel olacaq. Premyer Liqa çərçivəsində keçirilən əvvəlki 13 oyunda 7 qələbə qazanan “Zirə” 3 heç-heçə edib və eyni sayda məğlubiyyət alıb. Rəqib qapısından 17 top keçirən komanda 8 qol buraxıb.
"Qartallar" səfər matçlarında da üstünlüyə malikdir. Komandamız rəqib meydanındakı 7 matçdan beşində qalib gəlibsə, iki dəfə səfərdən xalsız dönüb. Bu görüşlərdə 9 dəfə fərqlənən futbolçularımız 3 top buraxıblar.
Qeyd edək ki, “Səbail” - “Zirə” matçı aprelin 3-də keçiriləcək. “ASCO Arena”da təşkil olunacaq oyun saat 17:30-da başlayacaq.