Bakıda təlim-məşq toplanışını başa vuran 19 yaşadək futbolçulardan ibarət Azərbaycan milli komandası son yoldaşlıq oyununu keçirib.
Sportnet.az xəbər verir ki, “Dalğa Arena”da Belarusun müvafiq yaş qrupundan ibarət yığması ilə qarşılaşan yerli komanda 2:1 hesablı qələbə qazanıb. U-19-un qollarını 44-cü dəqiqədə Qurban Səfərov və 56-cı dəqiqədə penaltidən Nəriman Axundzadə vurub.
Qeyd edək ki, bu komandalar arasında iki gün əvvəl keçirilmiş ilk oyun da Azərbaycan millisinin qələbəsi ilə yekunlaşıb - 1:0.
