AFFA-nın baş katibi Elxan Məmmədov bu gün Məşqçilər Komitəsinin üzvləri və texniki direktorla görüş keçirib. Sportnet.az-ın qurumun rəsmi saytına istinadən verdiyi məlumata görə, görüşdə U-16, U-17, U-19 və U-21 yığma komandalarının son rəsmi və yoxlama oyunları ilə bağlı geniş müzakirə aparılıb.
Komitə üzvləri izlədikləri təlim-məşq toplanışları və oyunlar barədə hesabat təqdim ediblər. Onların və texniki direktor Bernhard Lippertin fikirləri səsləndikdən sonra baş katib tərəfindən gələcək işlər barədə müvafiq tapşırıq və tövsiyə verilib.
