Rusiyanın "Rostov" klubunun futbolçusu İvan Novoseltsev basketbolçu Katerina Keyruya stadiondaca evlilik təklif edib. Sportnet.az-ın məlumatına görə, epizod "Rostov"un Moskva "Torpedo"sunu 1:0 hesabı ilə yendiyi Premyer Liqa matçından sonra baş verib.
Novoseltsev Keyrunu meydana çağırıb, üzük verib və təklifini ünvanlayıb. Əzəvində qadın onu öpüb qucaqlamağa başlayıb.
Qeyd edək ki, İvan Novoseltsev və Katerina Keyru 2014-cü ilin yayından görüşür. Basketbolçu paytaxtda çıxış etsə də, "Rostov"un matçlarına baş çəkməyə çalışır. Keyrunun atası Syerra-Leonedən olsa da, təhsilini keçmiş SSRİ-də alıb. Keyrunun özü isə Rostovda doğulub. Novoseltsev isə "Rostov"da yanvardan çıxış edir. O, ötən ay Qazaxıstanla yoldaşlıq görüşündə Rusiya yığmasının heyətində debüt edib.
