Misli Premyer Liqasında XXV tura yekun vurulub.
Sportnet.az xəbər verir ki, bağlanış oyununda "Neftçi" "Turan Tovuz"u qəbul edib. "Bakcell Arena"da keçirilən görüş "ağ-qaralar"ın 4:0 hesablı qələbəsi ilə başa çatıb.
İlk qolu 20-ci dəqiqədə Sezar Meza Kolli vurub. 4 dəqiqə sonra kapitan Emin Mahmudov fərqi artırıb. 72-ci dəqiqədə Mateus Saldanya 3-cü topu qonaqların qapısından keçirib. 83-cü dəqiqədə dubl edən Mahmudov yekun hesabı müəyyənləşdirib.
Bu qələbədən sonra xallarını 52-yə çatdıran "Neftçi" 3-cü pillədəki mövqeyini qoruyub. 26 xalı olan "Turan Tovuz" isə 6-cı sırada yer alıb.
Qeyd edək ki, turun "Zirə" - "Şamaxı" matçında qalib müəyyənləşməyib - 2:2. "Sumqayıt" "Səbail"i 1:0, "Sabah" "Kəpəz"i 2:0, "Qarabağ" isə "Qəbələ"ni 3:1 hesabı ilə üstələyib.
--------------------------------
Misli Premyer Liqasında XXV turun daha bir oyunu keçirilib.
Sportnet.az-ın məlumatına görə, mərkəzi görüşdə "Qarabağ" "Qəbələ"nin qonağı olub. Qarşılaşma Ağdam təmsilçisinin inamlı qələbəsi ilə başa çatıb - 3:1.
Hesabı 31-ci dəqiqədə meydan sahiblərindən İsnik Alimi açıb. Lakin əyalət klubunun sevinci cəmi 7 dəqiqə davam edib. 38-ci dəqiqədə penaltini dəqiq yerinə yetirən "köhlən atlar"ın hücumçusu Ramil Şeydayev hesabı bərabərləşdirib. 55-ci dəqiqədə Musa Qurbanlı "Qarabağ"ın 2-ci qolunu vurub. Oyunda son nöqtəni isə Şeydayev qoyub. 27 yaşlı forvard bu dəfə də 11 metrlik cərimə zərbəsini boşa verməyib.
Bu qələbə ilə xallarını 65-ə çatdıran "Qarabağ" liderliyini qoruyub. 32 xalı olan "Qəbələ" isə 5-ci pillədə qərarlaşıb.
Qeyd edək ki, turun "Zirə" - "Şamaxı" matçında qalib müəyyənləşməyib - 2:2. "Sumqayıt" "Səbail"i 1:0, "Sabah" isə "Kəpəz"i 2:0 hesabı ilə üstələyib.
----------------------------------
Bu gün Misli Premyer Liqasında XXV tura yekun vurulacaq.
Sportnet.az-ın məlumatına görə, sonuncu oyun günündə iki qarşılaşma baş tutacaq.
İlk olaraq "Qəbələ" "Qarabağ"ı qəbul edəcək. "Köhlən atlar" 62 xalla liderdir. Meydan sahibləri 32 xalla 5-ci pillədə qərarlaşıb. Tərəflər indiyədək ölkə çempionatlarında 56 dəfə üz-üzə gəliblər. Bunların 10-da "qırmızı-qaralar", 31-də Ağdam təmsilçisi meydanı üç xalla tərk edib. Topların nisbətində də "Qarabağ"ın aşkar üstünlüyü var - 87:43.
Tura "Turan Tovuz" - "Neftçi" görüşü ilə yekun vurulacaq. Tovuz klubu 26 xalla 6-cı, "ağ-qaralar" 49 xalla üçüncü sıradadır. Komandalar bu vaxtadək iki dəfə qarşılaşıblar. Bunların 1-də bakılılar qələbə qazanıbsa, digər matç heç-heçə yekunlaşıb.
Misli Premyer Liqası
XXV tur
5 mart (bazar)
17:00. “Qəbələ” – “Qarabağ” - 1:3
Qollar: İsnik Alimi, 31 - Ramil Şeydayev, 38; 68 (hər ikisi penalti). Musa Qurbanlı, 55
Hakimlər: Kamal Umudlu, Elşad Abdullayev, Teymur Teymurov, Namiq Bəkirov
Hakim-inspektor: Babək Quliyev
AFFA nümayəndəsi: Mübariz Hüseynov
Qəbələ şəhər stadionu
19:30. “Neftçi” – “Turan Tovuz” - 4:0
Qollar: Sezar Meza Kolli, 20. Emin Mahmudov, 24; 83. Mateus Saldanya, 72
Hakimlər: Rəvan Həmzəzadə, Akif Əmirəli, Şirmamed Mamedov, Rövşən Rəcəbov
Hakim-inspektor: Orxan Məmmədov
AFFA nümayəndəsi: Əsgər Əmirəliyev
“Bakcell Arena”
Qeyd edək ki, turun "Zirə" - "Şamaxı" matçında qalib müəyyənləşməyib - 2:2. "Sumqayıt" "Səbail"i 1:0, "Sabah" isə "Kəpəz"i 2:0 hesabı ilə üstələyib.
