Almaniyanın "Bavariya" klubunun oyunçusu Bastian Şvaynştayqer tarixə düşüb. Sportnet.az-ın məlumatına görə, o, Almaniya futbolu tarixində Bundesliqanın səkkizqat çempionu olmuş 3-cu futbolçudur.
30 yaşlı yarımmüdafiəçi ilk dəfə 2002-3 mövsümündə çempionluğa sevinib. Ardından isə 2005, 2006, 2008, 2010, 2013, 2014 və 2015-ci illərdə Bundesliqanın qızıl medallarını qazanıb.
Səkkizqat Almaniya çempionu olmuş digər futbolçular isə "Bavariya"nın sabiq qapıçısı Oliver Kan və yarımmüdafiəçisi Mehmet Şolldur.
Qeyd edək ki, "Bavariya" 25-ci dəfə Almaniya çempionu adını qazandı.
