Italiyanın "Empoli" klubunun futbolçusu Lorenso Tonelli A Seriyanın XXXII turunda "Atalanta" ilə matçda rəqib futbolçu Herman Denisi ailəsini öldürməklə hədələyib. Sportnet.az-ın məlumatıan görə, bu barədə mətbuata "Atalanta"nın direktoru Pyerpaolo Marino açıqlama verib.
Klub rəsmisi Denisin haqlı olmadığını bildirsə də, elə bir təhqir qarşısında əsəblərini cilovlaya bilmədiyini söyləyib: "Hər kəs yaxşı bilir ki, Denis xeyriyyə işləri ilə məşğuldur və həmişə insanlar kömək etməyə hazırdır. Tonelli onun ailəsinin üzvlərini öldürməklə hədələdi. Baxmayaraq ki, Denis səhv etdi, ancaq istənilən halda hətta ən yaxşı insan belə buna reaksiya göstərərdi".
Sonda isə Marino "Empoli" üzvlərindən üzr istəyib. Lakin Tonellinin Denisdən əfv diləməsinin doğru olduğunu bildirib.
Qeyd edək ki, "Atalanta" - "Empoli" matçı 2:2 hesabı ilə başa çatıb.
