"Sabah"ın UEFA Konfrans Liqasının pley-off mərhələsindəki potensial rəqiblərinin III raunddakı ilk oyununda qalib müəyyənləşməyib.
Sportnet.az xəbər verir ki, Rumıniyada "Styaua" və Danimarka "Norşellann"ı arasında keçirilən qarşılaşma qolsuz bərabərliklə başa çatıb.
Qonaqlar 59-cu dəqiqədə azlıqda qalıblar. Adamo Naqalo ikinci sarı vərəqəni alaraq meydandan qovulub.
Qeyd edək ki, bu cütün qalibi pley-off mərhələsində "Sabah" - "Partizan" (Serbiya) duelinin güclüsünə rəqib olacaq. Bakı klubu evdə Belqrad təmsilçisinə qarşı keçirdiyi III raundun ilk matçında 2:0 hesablı qələbə qazanıb.
