Azərbaycan milli komandasının qapıçısı Kamran Ağayev Türkiyə I Liqasında çıxış edən "Karşıyaka"nı tərk edib. Sportnet.az-ın məlumatına görə, 29 yaşlı qapıçı bu həftə ərzində ikinci matçı buraxıb.
O, əvvəlcə ölkə kubokunda "Tekirdağspor"la oyunda, ardından isə çempionatın XIV turunda "Balıkesirspor"la qarşılaşmanın iştirak ərizəsinə salınmayıb. Türkiyə mətbuatı Ağayevin baş məşqçi Kemal Özdeşdən icazə aldığını yazıb. Lakin onun nəyə görə bu addımı atdığı bilinmir.
Qeyd edək ki, bir neçə gün öncə "Karşıyaka"nın aralarında Kamran Ağayev də olmaqla, 4 oyunçuya 3 aydır borlu olduğu və buna görə onların komandanı tərk edə biləcəkləri xəbəri verilib.
