Bosniya və Herseqovinanın futbol üzrə milli komandasının baş məşqçisi Mehmed Bajdareviç 2018-ci ilədək vəzifəsində qalacaq. Sportnet.az-ın məlumatına görə, 55 yaşlı mütəxəssis ölkənin Futbol Federasiyası ilə qarşıdakı seçmə tsiklin sonunadək müqaviləsini uzadıb.
Bajdareviç millidə 2014-cü ilin dekabrından çalışır.
Qeyd edək ki, Bosniya və Herseqovina milli komandasında Azərbaycan Premyer Liqasında çıxış edən 2 futbolçu forma geyinir. Bunlar "Qarabağ"ın qapıçısı İbrahim Şehiçlə "Qəbələ"nin hücumçusu Ermin Zetsdir. Yığma AVRO-2016-nın "play-off" mərhələsində İrlandiyaya uduzaraq (1:1, 0:2) Fransaya vəsiqədən məhrum olub.
