Zinəddin Zidan İspaniyanın "Real Madrid" klubunun baş məşqçi postuna təyinatını şərh edib. Sportnet.az-ın məlumatına görə, fransalı mütəxəssis bu imkanı yaratdığı üçün klub prezidenti Florentino Peresə minnətdarlığını bildirib.
Onun fikrincə, "Real Madrid" dünyanın ən güclü klubudur və ən yaxşı azarkeşlərə malikdir. Zidan mövsümün sonunda hansısa titulu əldə etməkdən ötrü özündən asılı olanı etməyə çalışacağını söyləyib: "Bu, mənim üçün çox vacib gündür. İndi hətta oyunçu kimi müqavilə bağladığım vaxtdakından da çox həyəcanlıyam. Bizdə hər şeyin alınmasından ötrü bu işə ürəyimi qoyacağam".
Zidan son zamanlar "kral klubu"nun əvəzedici heyətinin baş məşqçisi olub. Onun Rafael Benitesi əvəzlədiyi əsas komandada ilk məşqi bu gün Bakı vaxtı ilə saat 14:00-da başlanacaq və hamıya açıq olacaq.
Qeyd edək ki, "Real Madrid" hazırda lider "Atletiko"dan 4 xal geridə və 3-cü pillədədir. Zinəddin Zidan "kral klubu" tarixində ilk fransalı baş məşqçidir.
