Türkiyənin "Qalatasaray" klubunun sabiq prezidenti Ünal Aysalın 25 milyon avro dəyərindəki yaxtası yanıb. Sportnet.az-ın yerli mətbuata istinadən verdiyi məlumata görə, hadisə Muğlanın Marmara bölgəsindəki limanda baş verib.
Yerli saatla 04:30-da çıxan yanğında 2 yaxtaya zərər dəyib, Ü.Aysalın "Barbie" adlı yaxtası isə yanaraq kül olub. 4 saatdan sonra yanğın söndürülüb.
Qeyd edək ki, ilk dəfə 2006-cı ildə suya buraxılan və əvvəlki adı "Al Hanem" olan yaxtanın eni 9.20 metrdir. Sabiq klub prezidenti eyni anda 14 nəfərin qonaq ola biləcəyi gəmini 2011-ci ildə alıb.
