"Qurban Qurbanovun dediyində həqiqət var".
Sportnet.az xəbər verir ki, bunu "Kəpəz"in baş məşqçisi Azər Bağırov evdə "Qarabağ"la 0:0 hesablı heç-heçə etdikləri Azərbaycan Premyer Liqasının XXVII tur matçından sonra mətbuat konfransında deyib.
41 yaşlı mütəxəssis "Qarabağ"a qarşı oyunların çətin olduğunu bildirib: "Bu günki oyunda 1 xal bizim üçün qənimətdir, xallarımız üstünə xal gəldi. İlk 15 dəqiqədə yaxşı başlamadıq, amma daha sonra futbolçulara özünəinam gəldi. "Qarabağ"a qarşı oynamaq həmişə çətin olub. Uduza da bilərdik, qol epizodlarımı da oldu. "Qarabağ"a qarşı oynayan zaman əks hücumda oynamağa məcbursan".
Baş məşqçi daha sonra rəqib komandanın baş məşqçisi Qurban Qurbanovun meydança haqda dedikləri ilə razı olduğunu vurğulayıb: "Onun sözünün qarşısında söz deyə bilmərəm, əgər deyirsə həqiqət var. Meydanın sulanmadığını deyirsə, gələn səfər bunu nəzərə alarlar. Doğurdan da onun dediyində həqiqət var".
