İspaniyanın "Barselona" klubunun futbolçusu Neymar və atası ötən həftə "Real Madrid" nümayəndələri ilə danışıqlar aparıb. Sportnet.az-ın məlumatına görə, görüş İsveçrənin Sürix şəhərində "Qızıl top"un təqdimetmə mərasimində baş tutub.
"Kral klubu" Neymara Kataloniya təmsilçisindən çox əmək haqqı təklif edib. "Barsa" isə "sambaçı" ilə müqaviləni uzatmağa çalışır. Klub buna nail olsa, futbolçu ilinə 30 milyon avro qazanacaq.
Qeyd edək ki, Neymar bu mövsüm İspaniya çempionatında 17 oyuna 16 qol vurub.
