Bakının "Neftçi" klubunun sabiq futbolçusu Bruno Bertuççi Rusiyanın "Qazovik" komandasında baxışdadır. Sportnet.az-ın məlumatına görə, braziliyalı müdafiəçi komandanın heyətində yoxlama görüşünə də çıxıb.
"Spartak-2"yə qarşı keçirilmiş oyunda (1:1) forma geyinib. Rusiya təmsilçisi hələlik 26 yaşlı futbolçunun transferi ilə bağlı heç bir açıqlama vermir.
Rusiya I divizionunda çıxış edən "Qazovik" hazırda 59 xalla turnir cədvəlinin birinci pilləsində qərarlaşıb.
Qeyd edək ki, Bertuççi 2009-cu ildə "Korintias"ın heyətində Braziliya Kubokuna sahib çıxıb. 2013-cü ildə "Neftçi"yə gələn futbolçu ölkə çempionu olub, kuboku başı üzərinə qaldırıb və Avropa Liqasında çıxış edib.
