İsveç milli komandasının futbolçusu Zlatan İbrahimoviç İngiltərənin Mançester şəhərində mənzil alıb. Sportnet.az-ın məlumatına görə, bu barədə "Proto Group Ltd." daşınmaz agentliyinin açıqlamasında bildirilir.
34 yaşlı hücumçunun Fransa PSJ-si ilə müqaviləsi iyunun 30-da başa çatır. Onun "Mançester Yunayted"ə keçəcəyi bildirilir. Futbolçunun özü gələcək karyerası ilə bağlı açıqlamanı iyunun 7-də verəcəyini deyib. Lakin üç gün keçməsinə baxmayaraq, heç bir açıqlama gəlməyib.
Qeyd edək ki, Zlatan İbrahimoviç 2015-2016 mövsümündə PSJ-nin heyətində Fransa çempionatında 38 qolla bombardir olub.
