"Qarabağ"ın hollandiyalı sabiq legioneri Leroy Corcun yeni klubu bəlli olub.
Sportnet.az-ın məlumatına görə, təcrübəli yarımmüdafiəçi Türkiyənin I liqa təmsilçisi "Adana Dəmirspor"a keçib. Adana klubu müqavilə imzaladığı yeni tramsferlər arasında Corcun da olduğunu rəsmən açıqlayıb. Onunla yarım illik müqavilə imzalanıb.
Təqdimat mərasimində fikirlərini açıqlayan Leroy önəmli bir yerə gəldiyini bildirib. Onun fikrincə, "Adana Dəmirspor" səviyyəsinə görə layiq olmadığı yerdədir. Legioner çempionluğunu hədəfə aldıqlarını da sözlərinə əlavə edib.
"Adana Dəmirspor" 19 oyundan 23 xalla turnir cədvəlində 10-cu pillədə yer alıb. "Qəbələ"nin futbolçusu Cavid Hüseynov vaxtilə bu komandada elə I liqada çıxış edib.
Xatırladaq ki, Leroy Corcla müqaviləni qarşılıqlı razılıqla pozan "Göztəpə" də I liqa təmsilçisidir. Leroyla "Qarabağ"da komanda yoldaşı olmuş braziliyalı hücumçu Reynaldo Silva da Türkiyə çempionatıına gələrək Adana təmsilçisinə keçib. Sadəcə, onu heyətinə cəlb edən "Adanaspor" Super Liqaada çıxış edir.
