Azərbaycan millisinin Qırğızıstan yığması ilə yoldaşlıq oyunu qarşılıqlı razılaşma əsasında martın 29-na təyin olunub.
Bu barədə Sportnet.az-a milli komandalar üzə mətbuat katibi Elman Himayətoğlu məlumat verib. O, bildirib ki, görüş Azərbaycan yığmasının təlim-məşq toplanışı çərçivəsində keçiriləcək: "Toplanışın hansı tarixlərdə olacağı hələlik dəqiqləşməyib. Qırğızıstanla qarşılaşmanın tarixi baş məşqçi Qurban Qurbanovla razılaşdırılıb”.
Qeyd edək ki, Azərbaycan kubokunun təqvinə əsasən, final görüşü martın 28-də keçirilməli idi. Lakin Qırğızıstanla yoxlama matçı 29-a təyin olunduğu üçün finalın tarixi dəyişdiriləcək.
