"Kəpəz" komandası Topaz Premyer Liqasının XVI turunda qəbul edəcəyi "Keşlə” ilə oyunun əsas hazırlığını başa vurub.
Sportnet.az-ın klubun rəsmi saytına istinadən məlumatına görə, həftəboyu Bakıda məşq edən komandanın oyun öncəsi son hazırlığı Gəncə şəhər stadionunda olacaq. Matçın keçiriləcəyi arenada baş tutacaq çalışma bu gün saat 17:00-da başlayacaq. Məşq prosesi azarkeşlər və mətbuat üçün açıq xarakter daşıyacaq.
