"Qəbələ" klubu Topaz Premyer Liqasının 16-cı turunda doğma meydanda "Zirə"ni 2:1 hesabı ilə üstələdikləri oyundan öncə anlamlı hərəkətlə diqqət mərkəzinə düşüb.
Sportnet.az-ın məlumatına görə, "qırmızı qaralar" daun sindromundan əziyyət çəkən Rəhman Qədirliyə hədiyyə verib.
Klubun əməkdaşı Səməd Nəsibovla birgə meydana daxil olan məktəbliyə komandanın kapitanı Cavid Hüseynov "Qəbələ"nin 7 nömrəli formasını hədiyyə edib. Hüseynov daha sonra onunla xatirə fotosu çəkdirib.
