Bu gün əvəzedicilərin çempionatında XVI tura start verilib.
Sportnet.az-ın məlumatına görə, "Qəbələ” öz meydanında "Zirə” ilə qarşılaşıb. Emin İmaməliyevin baş məşqçi olduğu komanda 2018-ci ilin ilk ev oyunundan qələbə ilə ayrılıb. Çempionatın lideri qarşılaşmanın taleyini artıq ilk yarıda həll edib. Yusif Nəbiyev, Hacıağa Hacılı və Kamran Quliyev ilk 30 dəqiqədə qonaqların qapısına yol tapıb. Oyunun sonlarında isə Əli Səmədov paytaxt təmsilçisini mərkəzdən başlamağa məcbur edib.
Beləliklə, mövsümdə 12-ci qələbəsini qazanan "qırmızı-qaralar” xal hesabını 38-ə çatdırıb və liderliyini möhkəmlədib. Bu, komandamızın 9-cu böyükhesablı qələbəsi olub.
Günün digər oyununda isə "Sumqayıt" "Neftçi"ni minimal hesabla yenib. Yeganə qolu Elvin Nəsibov vurub.
Əvəzedicilərin çempionat, XVI tur
"Qəbələ” – "Zirə” – 4:0
Qollar: Yusif Nəbiyev, 8. Hacıağa Hacılı, 20. Kamran Quliyev, 30. Əli Səmədov, 78
"Sumqayıt" - "Neftçi" - 1:0
Qol: Elvin Nəsibov, 8
