"Neftçi” komandası Topaz Premyer Liqasının ilk turunda qarşılaşacağı "Sumqayıt” klubu ilə oyunun hazırlığını davam etdirir.
Sportnet.az xəbər verir ki, əvəzedicilərlə sınaq matçından (4:1) sonra bir günlük fasiləyə buraxılan əsas komandamız bu gün hazırlığı bərpa edib. "Türk Hava Yolları Futbol Mərkəzi”ndə baş tutan axşam məşqində zədəli Ruslan Abışovdan başqa bütün futbolçular iştirak ediblər. Namik Ələskərov isə fərdi məşğul olub. Hazırlıq sabah bir məşqlə davam edəcək.
Qeyd edək ki, avqustun 11-də "Dalğa Arena”da keçirəcək "Sumqayıt” – "Neftçi” oyunu saat 20:00-da başlanacaq.
