Bu gün "ASK Arena"nın mətbuat konfransı zalında "Keşlə"nin Müşahidə Şurasının sədri Zaur Axundov klubun bir qrup azarkeşi ilə görüşüb.
Klubun mətbuat xidmətindən Sportnet.az-a verilən məlumata görə, Z.Axundov komandaya göstərdikləri dəstəklə əlaqədar azarkeşlərə təşəkkür edib. "Keşlə"nin Azərbaycan Kubokunun finalında uğur qazanmasında azarkeşlərin də böyük payının olduğunu bildirən klub rəhbəri belə bir dəstəyin hər zaman göstəriləcəyinə ümidvar olduğunu açıqlayıb.
Sonra azarkeşlərə komanda formaları hədiyyə olunub və onlarla əsas meydanda xatirə şəkli çəkilib.
