Miloş Radivoyeviç "Zirə”nin heyətində qol hesabını açıb.
Sportnet.az xəbər verir ki, bu, Topaz Premyer Liqasının VII turuna təsadüf edib. Serbiyalı futbolçu "qartallar”a ilk qələbəni qazandıran topun müəllifi olub – 1:0.
28 yaşlı müdafiəçi "Zirə”nin tarixinə qol sevinci yaşayan 49-cu futbolçu kimi düşüb. O, komandamızın heyətində rəqib qapısına yol tapan 18-ci legioner, 3-cü serbiyalıdır. Miloşa qədər həmyerliləri Milan Duriç 9, Yovan Krneta 6 dəfə fərqlənib.
