"Neftçi” Topaz Premyer Liqasının 8-ci turu çərçivəsində qarşılaşacağı "Qəbələ” ilə oyunun hazırlığını davam etdirir.
Sportnet.az xəbər verir ki, komanda bu gün "Türk Hava Yolları Futbol Mərkəzi”ndə məşqə çıxıb.
Məşqdə Ruslan Abışov, həmçinin Azərbaycan və Haiti milli, U-21 yığma komandalarının düşərgəsində olan futbolçular iştirak etməyiblər. Hazırlıq sabah da bir məşqlə davam edəcək.
Xatırladaq ki, "Qəbələ” – "Neftçi” oyunu oktyabrın 20-də Qəbələ şəhər stadionunda keçiriləcək.
