"Qəbələ" və "Neftçi" azarkeşləri iki komanda arasındakı Topaz Premyer Liqasının VIII tur matçında münaqişəyə giriblər.
Sportnet.az-ın məlumatına görə, Qəbələ şəhər stadionundakı insident 70-ci dəqiqədə baş verib. Qonşu perpendikulyar sektorlarda olan fanatların qarşılıqlı söz atışmaları ilə müşayiət olunan insident sonradan daha da böyüyüb. Nəticədə tərəflər bir-birilərinə yandırıcı pirotexniki maddələr atıblar. Olaya polislər müdaxilə edib.
Toqquşma aradan qalxsa da, tərəflərin atışmaları sonradan da davam edib.
Qeyd edək ki, hazırda "Qəbələ" öndədir - 2:0.
