Futbol üzrə Azərbaycan Premyer Liqasında IX turun daha bir oyunu keçirilib.
Sportnet.az xəbər verir ki, "Sumqayıt” "Dalğa Arena”da "Qəbələ”ni qəbul edib. Qarşılaşma 2:2 hesabı ilə başa çatıb.
Görüşdə hesab 7-ci dəqiqədə açılıb. "Sumqayıt”ın heyətində Şəhriyar Əliyev fərqlənib.
Müdafiəçi 19-cü dəqiqədə özünün və komandasının ikinci qoluna imza atıb. 41-ci dəqiqədə qonaqların futbolçusu Stiven Monroz fərqi azaldıb. İlk hissə bu hesabla yekunlaşıb. 56-cı dəqiqədə "Qəbələ”nin digər legioneri Lalavele Atakora tarazlığı bərpa edib.
Bu nəticədən sonra "Sumqayıt” 11 xalla 5-ci, "Qəbələ” isə 9 xalla 6-cı pillədə qərarlaşıb. Qonaqların heyətində Bəhlul Mustafazadə 90+1-ci dəqiqədə qırmızı vərəqə ilə cəzalanıb.
Qeyd edək ki, günün digər matçında "Sabah” evdə "Zirə”ni 2:1 hesabı ilə məğlub edib. Tura sabah keçiriləcək "Səbail” – "Keşlə” və "Neftçi” – "Qarabağ” matçları ilə yekun vurulacaq.
--------------------------------------------
Bu gün Topaz Premyer Liqasında IX tura start veriləcək.
Sportnet.az-ın məlumatına görə, həftənin oyunları iki günü əhatə edəcək. Açılış matçı Masazırda olacaq. "Əlincə Arena”da "Sabah” "Zirə”ni qəbul edəcək. Bu komandalar arasında ilk dövrədə baş tutan görüşdə debütant 2 cavabsız qolla qalib gəlib. "Sabah” hazırda 13 xalla 4-cü pillədə qərarlaşıb. "Zirə” isə 4 xalla sonuncu – 8-ci yerdədir.
Günün ikinci dueli "Sumqayıt” və "Qəbələ” kollektivləri arasında olacaq. "Kapital Bank Arena”da təmir işləri aparıldığı üçün matç "Dalğa Arena”da keçiriləcək. Qonaqlar ötən tur evdə "Neftçi”ni 3:1 hesabı ilə məğlub etməklə, uğursuz gedişata son veriblər. Meydan sahibləri isə ardıcıllıqla "Səbail”ə 2, "Sabah”a isə 1 cavabsız qolla uduzublar.
Bu komandaların ilk dövrədəki qarşılaşmasında heç-heçə qeydə alınıb - 1:1. "Sumqayıt” əvvəlki 25 çempionat oyununun 16-da "Qəbələ”yə uduzduğu halda, 2 dəfə qələbəyə sevinib. Sumqayıtlılar son 5 görüşdə qələbə qazanmayıb. "Qırmızı-qaralar” əvvəlki matçların hamısında rəqib qapısına yol tapıb. "Sumqayıt” 10 xalla 5-ci, "Qəbələ” isə 8 xalla 6-cı pillədədir.
Topaz Premyer Liqası
IX tur
27 oktyabr (şənbə)
16:00. "Sabah” – "Zirə” - 2:1
Qollar: Məqsəd İsayev, 45. Cavid İmamverdiyev, 90+2 - Tellur Mütəllimov, 73
Hakimlər: Vüqar Həsənli, Akif Əmirəli, Cəmil Quliyev, Rəhim Həsənov
Hakim-inspektor: Asim Xudiyev
AFFA nümayəndəsi: Məlik Həsənov
"Əlincə Arena”
I dövrə - 2:0
18:00. "Sumqayıt” – "Qəbələ” - 2:2
Qollar: Şəhriyar Əliyev, 7. 19 - Stiven Monroz, 41. Lalavele Atakora, 56
Qırmızı vərəqə: Bəhlul Mustafazadə, 90+1, Rauf Əliyev 90+2
Hakimlər: Orxan Məmmədov, Mübariz Haşımov, Cavanşir Yusifov, Ramil Əhmədov
Hakim-inspektor: Murad Məmmədov
AFFA nümayəndəsi: Ramiz Abdullayev
"Dalğa Arena”
I dövrə - 1:1
