"Qarabağ" komandası Türkiyənin Antalya bölgəsindəki təlim-məşq toplanışında növbəti yoxlama oyununa çıxıb.
Sportnet.az-ın məlumatına görə, rəqib Çexiya "Bohemians"ı olub. "Gloria Sports Arena"da təşkil olunacaq qarşılaşma Azərbaycan klubunun əzmkar qələbəsi ilə yekunlaşıb - 3:1.
Hesabı 24-cü dəqiqədə rəqib komandadan Yakub Nekas açıb. Lakin Filip Ozobiç 36-cı, Donald Gerrye 62-ci, Simeon Slavçev isə 90-cı dəqiqədə fərqlənib.
Qeyd edək ki, "Qarabağ" əvvəlki yoxlama oyununda Macarıstan "Uypeşt"inə uduzub - 0:1. Rumıniya "Botoşani"si ilə qarşılaşma isə əlverişsiz hava şəraiti üzündən baş tutmayıb.
19 yanvar
Yoxlama oyunu
18:00. "Qarabağ" - "Bohemians" (Çexiya) - 3:1
Qollar: Filip Ozobiç, 36. Donald Gerrye, 62. Simeon Slavçev, 90 - Yakub Nekas, 24
"Qarabağ"ın start heyəti: 12. Şahrudin Məhəmmədəliyev, 5. Maksim Medvedev, 8. Miçel, 10. Dani Kintana, 11. Mahir Mədətov, 14. Rəşad Sadıqov (k.), 17. Abdullah Zubir, 19. Filip Ozobiç, 20. Riçard Almeyda, 55. Bədavi Hüseynov, 77. Donald Gerrye
İkinci hissədə meydana girənlər: 1. Hannes Halldorsson, 2. Qara Qarayev, 4. Rahil Məmmədov, 6. Simeon Slavçev, 7. İnnosent Emeqara, 9. Araz Abdullayev, 18. İsmayıl İbrahimli, 25. Ansi Aqolli, 30. Abbas Hüseynov, 52. Yakub Jezniçak, 70. Nicat Süleymanov
"Gloria Sports Arena"
