Türkiyədə təlim-məşq toplanışında olan "Neftçi" komandası bu gün növbəti yoxlama matçına çıxıb.
Sportnet.az-ın məlumatına görə, rəqib Çexiya "Slovan"ı olub. Side qəsəbəsindəki "Arslan Zeki Demirci" İdman Kompleksində keçirilmiş görüş Liberets təmsilçisinin qələbəsi ilə yekunlaşıb - 2:1. Hesabı 21-ci dəqiqədə Baqali Dabonun ötürməsindən sonra Mirabdulla Abbasov açıb. Lakin 36-cı dəqiqədə Matey Hibş, 46-cı dəqiqədə isə Yan Mikula "Neftçi" müdafiəçilərinin səhvlərindən yararlanıblar.
Qeyd edək ki, bu, "Neftçi"nin ikinci yoxlama oyunu olub. Flaqman ilk görüşündə Rumıniya "Qaz-Metan"ına böyük hesabla qalib gəlib - 3:0. Hazırda "Slovan" Çexiya çempionatında 19 oyundan 25 xalla 7-ci pillədə qərarlaşıb.
Yoxlama oyunu
16:30. "Neftçi" - "Slovan" (Liberets, Çexiya) - 1:2
Qollar: Mirabdulla Abbasov, 21 - Matey Hibş, 36. Yan Mikula, 46
Side, "Arslan Zeki Demirci" İdman Kompleksi
"Neftçi”: 1.Səlahət Ağayev, 3.Mamadu Mbodj, 6.Qoran Paratski (17.Rəhman Hacıyev, 69), 8.Emin Mahmudov (K) (11.Vanqelis Platellas, 46), 9.Baqali Dabo, 10.Dario Frederiko (7.Namik Ələskərov, 76), 18.Tural Axundov, 21.Məhəmməd Mirzəbəyov, 22.Mirabdulla Abbasov (36.Mamadu Kane, 68), 25.Kirilo Petrov, 93.Soni Mustivar.
Ehtiyat oyunçular: 12.Kamran İbrahimov, 20.Elnur Süleymanov, 32.Mirkamil Əliyev, 70.Əli Şirinov, 77.Elvin Sərkərov, 95.Rəhman Daşdəmirov.
