Bu gün UEFA Çempionlar Liqasında yarımfinal mərhələsinin növbəti oyunu keçirilib.
Sportnet.az-ın məlumatına görə, erkən final adlandırılan cütün ilk oyununda "Barselona" İspaniyada İngiltərə "Liverpul"unu qəbul edib. Görüş meydan sahiblərinin böyük hesablı qələbəsi ilə yekunlaşıb - 3:0.
Hesabı 26-cı dəqiqədə Luis Suares açıb. Uruqvaylı hücumçu sabiq komandasını məyus edib. İkinci hissədə isə Lionel Messi "dubl" edib. Argentinalı forvard 75 və 82-ci dəqiqələrdə fərqlənib.
Beləliklə, "Barselona" böyük hesablı qələbə ilə finala vəsiqəni böyük ölçüdə təmin edib. Cavab görüşü mayın 7-də olacaq.
Digər yarımfinal matçında isə Hollandiya "Ayaks”ı İngiltərədə Tottenhem"ə.qalib gəlib. Bu oyunun revanşı mayın 8-də nəzərdə tutulub.
Qeyd edək ki, "Liverpul" 1/ 4 finalda Portuqaliyanın "Portu", "Barselona" isə İngiltərənin digər təmsilçisi "Mançester Yunayted"i mübarizədən kənarlaşdırıb.
"Barselona" cari mövsüm Çempionlar Liqasında heç bir görüşdə məğlub olmayıb. "Liverpul" isə qrup mərhələsindəki səfər oyunlarının hamısından məğlubiyyətlə ayrılıb.
Çempionlar Liqası
Yarımfinal, ilk oyun
1 may
23:00. "Barselona" (İspaniya) – "Liverpul" (İngiltərə) - 3:0
Qollar: Luis Suares, 26. Lionel Messi, 75; 82
Baş hakim: Byorn Keypers (Hollandiya)
Barselona, "Kamp Nou" stadionu.
