Aprelin 18-də U-16 Liqasında 2018/19-cu illər mövsümünə yekun vuruldu. «Qəbələ» birinciliyin qalibi oldu. «Sabah» gümüş, «Keşlə» isə bürünc medallara sahib çıxdı.
Çempionat başa çatdıqdan sonra «Het-trik news» qəzeti birinciliyin ən yaxşı futbolçusunu müəyyənləşdirmək məqsədilə Liqada iştirak edən 14 komandanın məşqçiləri arasında sorğu apardı. Qaydalara əsasən hər məşqçi çalışdırdığı komandadan olmamaq şərtilə 5 futbolçunun adını çəkə bilərdi. Siyahıya uyğun olaraq adları çəkillər 1-5 xal qazanırdılar. Yalnız «Sumqayıt»ın baş məşqçisi Vaqif Paşayev heç kimə səs vermədi. Qalan 13 məşqçinin fikrinə əsasən 2 futbolçu eyni xalla mövsümün ən yaxşısı seçildi. Bunlar «Zirə»nin və U-17 millimizin kapitanı Cəlal Hüseynovla «Qəbələ»nin və U-17 millimizin hücumçusu Mehrac Baxşəliyevdir. 3-cü yerə 17 xalla Rauf Rüstəmli («Qəbələ») layiq görüldü. İlk «beşliy»i Raufdan 2 xal az toplayan Əbil Əbilovla («Keşlə») və Gülağa Əsədov («Qəbələ») qapadılar.
Sorğuda ümumilikdə 29 futbolçunun adı çəkilib. Siyahıda ən çox «Qəbələ» və «Keşlə»li futbolçular yer alıblar – hərəyə 6 nəfər. «Neftçi»dən 4, «Zirə» və «Sabah» və «Səbail»dən 3, «Qarabağ», «Viləş», «Neftçi» İK İB və Gəncə TİM-dən isə 1 futbolçunun «29-luq»da adı var. Adları çəkilənlərdən 2-i – Kamran Şabıyevlə («Sabah»), Rza Cəfərov («Neftçi») qapıçıdır. Maraq üçün qeyd edək ki, ötən ilki sorğunun qalibinin adı siyahıda yoxdur.
Yeri gəlmişkən, «Het-trik news» qəzeti 2003-cü il təvəllüdlü futbolçular arasında ötən mövsümün yekunlarına əsasən də bu tip sorğu keçirmiş və «Qəbələ»nin hücumçusu, hazırda «Keşlə»də çıxış edən Kamal Kazımov 1-ci, Əbil Əbilov 2-ci, Cəlal Hüseynov isə 3-cü yeri tutmuşdular. 32 futbolçunun adı çəkildiyi ötən ilki sorğuda ilk beşliyi Mehrac Baxşəliyevlə Əli Tağıyev («Keşlə») qapamışdılar.
Liqanın ən yaxşılarına mükafatlar U-16 liqasında iştirak edən komandalar arasında mayın sonunda keçirilməsi nəzərdə tutulan turnirin finalında təqdim olunacaq.
Səsvermənin nəticələri:
1-2. Cəlal Hüseynov («Zirə») - 28
1-2. Mehrac Baxşəliyev («Qəbələ») - 28
Rauf Rüstəmli («Qəbələ») - 17
4-5. Gülağa Əsədov («Qəbələ») - 15
4-5. Əbil Əbilov («Keşlə») - 15
6. Rauf Ağasənov («Səbail») - 13
7. Rəşad Həsənov («Keşlə») - 8
8-9. Ümid Həmzəyev («Qəbələ») - 7
8-9 Vaqif Həsənov («Keşlə») – 7
10-13. Asif Məmmədov («Qəbələ») – 5
10-13. Rza Cəfərov («Neftçi») - 5
10-13. Nihat Cəfərov («Neftçi») - 5
10-13. Məhəmməd Tağıyev («Keşlə») - 5
14-17. Kamran Şabıyev («Sabah») - 4
14-17. Həsən Seyfullayev («Sabah») - 4
14-17. Əşrəf Zeynallı («Qarabağ») - 4
14-17. Samir Əliyev («Viləş») - 4
18-19. Seymur Məmmədov («Keşlə») - 3
18-19. Elməddin Qurbanlı («Səbail») - 3
20-24. Ülvi Mədətov («Qəbələ») - 2
20-24. Hüseyn Babayev («Neftçi») - 2
20-24. Aşqın Abəzərov («Neftçi» İK İB) - 2
20-24. Əli Tağıyev («Keşlə») - 2
20-24. Nurəli Nurəliyev («Zirə») - 2
25-29. Nicat Quliyev («Səbail») - 1
25-29. Tural Axverdiyev («Neftçi») -1
25-29. Bəhruz Tanrıverdiyev («Sabah») – 1
25-29. Ümid Səmədov (Gəncə TİM) - 1
25-29. Məhəmməd Səfərov («Zirə») - 1
Şəffarlıq olsun deyə, məşqçilərin hansı futbolçulara səs verdiklərini də açıqlayırıq:
Xaqani Məmmədov («Qəbələ»nin baş məşqçisi)
- Əbil Əbilov («Keşlə»)
- Cəlal Hüseynov («Zirə»)
- Rəşad Həsənov («Keşlə»)
- Rauf Ağasənov («Səbail»)
- Nicat Quliyev («Səbail»)
İlqar Mənsimov («Sabah»ın baş məşqçisi)
- Gülağa Əsədov («Qəbələ»)
- Əbil Əbilov («Keşlə»)
- Cəlal Hüseynov («Zirə»)
- Mehrac Baxşəliyev («Qəbələ»)
- Tural Axverdiyev («Neftçi»)
Xəyal Mustafayev («Keşlə»nin baş məşqçisi)
- Cəlal Hüseynov («Zirə»)
- Kamran Şabıyev («Sabah»)
- Mehrac Baxşəliyev («Qəbələ»)
- Rauf Rüstəmli («Qəbələ»)
- Rauf Ağasənov («Səbail»)
Yaşar Abuzərov («Səbail»in məşqçisi)
- Rauf Rüstəmli («Qəbələ»)
- Gülağa Əsədov («Qəbələ»)
- Mehrac Baxşəliyev («Qəbələ»)
- Əbil Əbilov («Keşlə»)
- Cəlal Hüseynov («Zirə»)
Mirbağır İsayev («Neftçi»nin baş məşqçisi)
- Rəşad Həsənov («Keşlə»)
- Rauf Rüstəmli («Qəbələ»)
- Mehrac Baxşəliyev («Qəbələ»)
- Rauf Ağasənov («Səbail»)
- Əbil Əbilov («Keşlə»)
Cəfər Hüseynov («Zirə»nin baş məşqçisi)
- Rza Cəfərov («Neftçi»)
- Nihad Cəfərov («Neftçi»)
- Əbil Əbilov («Keşlə»)
- Ümid Həmzəyev («Qəbələ»)
- Gülağa Əsədov («Qəbələ»)
Asif Əlizadə («Qarabağ»ın baş məşqçisi)
- Cəlal Hüseynov («Zirə»)
- Rauf Ağasənov («Səbail»)
- Mehrac Baxşəliyev («Qəbələ»)
- Rauf Rüstəmli («Qəbələ»)
- Nihad Cəfərov («Neftçi»)
İlham Səmədov (Gəncə TİM-nin baş məşqçisi)
- Ümid Həmzəyev («Qəbələ»)
- Həsən Seyfullayev («Sabah»)
- Məhəmməd Tağıyev («Keşlə»)
- Ülvi Mədətov («Qəbələ»)
- Bəhruz Tanrıverdiyev («Sabah»)
Ramin Babayev («Neftçi» İK İB-nin baş məşqçisi)
- Asif Məmmədov («Qəbələ»)
- Rauf Ağasənov («Səbail»)
- Vaqif Həsənov («Keşlə»)
- Mehrac Baxşəliyev («Qəbələ»)
- Nurəli Nurəliyev («Zirə»)
Kənan Seyfullayev («Viləş»in baş məşqçisi)
- Gülağa Əsədov («Qəbələ»)
- Rauf Rüstəmli («Qəbələ»)
- Mehrac Baxşəliyev («Qəbələ»)
- Məhəmməd Tağıyev («Keşlə»)
- Məhəmməd Səfərov («Zirə»)
Nizami Ocaqverdiyev («Turan Tovuz»un baş məşqçisi)
- Mehrac Baxşəliyev («Qəbələ»)
- Əşrəf Zeynallı («Qarabağ»)
- Elməddin Qurbanlı («Səbail»)
- Hüseyn Babayev («Neftçi»)
- Vaqif Həsənov («Keşlə»)
Qəhrəman Əliyev (İsgəndər Cavadov BFA-nın baş məşqçisi)
- Cəlal Hüseynov («Zirə»)
- Samir Əliyev («Viləş»)
- Seymur Məmmədov («Keşlə»)
- Əli Tağıyev («Keşlə»)
- Ümid Səmədov (Gəncə TİM)
Samir Əliyev (ROİL-nin baş məşqçisi)
- Cəlal Hüseynov («Zirə»)
- Mehrac Baxşəliyev («Qəbələ»)
- Vaqif Həsənov («Keşlə»)
- Aşqın Abəzərov («Neftçi» İK İB)
- Nürəli Nurəliyev («Zirə»)
«Het-trik news» qəzeti
