“Qəbələ” və “Sumqayıt” komandaları arasındakı Azərbaycan Kubokunun final matçından sonra mükafatlandırma mərasimi keçirilib.
Sportnet.az-ın Naxçıvana ezam olunmuş əməkdaşı xəbər verir ki, mükafatları AFFA-nın prezidenti Rövnəq Abdullayev, baş katib Elxan Məmmədov, Peşəkar Futbol Liqasınım prezidenti Ramin Musayev və Naxçıvan Muxtar Respublikasının gənclər və idman naziri Azad Cabbarov təqdim edib. Əvvəlcə hakimlər briqadasına xüsusi mükafat, “Sumqayıt”a gümüş medallar təqdim olunub. Daha sonra "Qəbələ" səhnəyə dəvət olunub. Komandaya qızıl medal, kapitana isə kubok verilib.
Qeyd edək ki, "Qəbələ" finalda "Sumqayıt"ı 1:0 hesabı ilə məğlub edərək, tarixində ilk dəfə Azərbaycan Kubokuna yiyələnib.
