Azərbaycanlı futbolçu Nurlan Novruzovun yeni klubu müəyyənləşib.
Sportnet.az-ın məlumatına görə, 27 yaşlı hücumçu rəsmi "Facebook" hesabından karyerasını Estoniyada davam etdirəcəyi ilə bağlı paylaşım edib. Novruzov ölkənin "Trans Narva" klubu ilə müqavilə imzalayıb. Sözləşmənin detalları hələ açıqlanmayıb.
Qeyd edək ki, Nurlan Novruzov "Bakı", "Sumqayıt", "Zirə", "Səbail", Türkiyədə "Dersim 62 Spor" kimi komandaların formasını geyinib. Son olaraq, Moldovada "Dinamo-Avto" klubunda çıxış edən forvard 2014/2015 mövsümündə "Bakı"nın heyətində Azərbaycan Premyer Liqasının bombardiri olub.
