İtaliya "Yuventus"unun və Portuqaliya millisinin futbolçusu Kriştianu Ronaldu milyarderə çevrilib.
Sportnet.az-ın "Forbes"ə istinadən verdiyi məlumata görə, 35 yaşlı hücumçunun gəliri 1 milyard ABŞ dollarını ötüb. Ronaldudan əvvəl bu nailiyyətə ABŞ qolfçusu Tayger Vuds və boksçu Floyd Meyvezer imza atıb. O, əmək haqqı qismində 650 milyon dollar, sponsor müqavilələrindən isə 350 milyon dollar əldə edib.
Ronaldu son bir ildə 105 milyon dollar varlanıb. Nəticədə təcrübəli forvard 2020-ci ilin ən varlı məşhurları arasında dördüncü yerdə qərarlaşıb.
