Futbol üzrə Rusiya Premyer Liqası tarixinin bombardiri dəyişib.
Sportnet.az-ın məlumatına görə, bu ada "Zenit"in futbolçusu Artyom Dzyuba sahib çıxıb.
33 yaşlı hücumçu Premyer Liqanın XXX turunda "Tambov"la səfər matçının 11-ci dəqiqəsində hesabı açmaqla buna nail olub. Forvard 134-cü qolunu vuraraq Sankt-Peterburq təmsilçisinin sabiq oyunçusu Aleksandr Kerjakovu qabaqlayıb.
"Tambov"la oyun "Zenit"in 4:1 hesablı qələbəsi ilə bitib. Dzyuba həmin görüşdə "poker" edib.
Qeyd edək ki, "Zenit" daha əvvəl Rusiya çempionluğunu təmin edib. Rusiya Premyer Liqası 2002-ci ildən keçirilir.
