"Sumqayıt"ın Serbiyanın "Çukariçki" komandası ilə UEFA Konfrans Liqasının II təsnifat mərhələsində keçirəcəyi ilk oyunun vaxtı dəyişdirilib.
Sportnet.az-ın məlumatına görə, bu barədə Çukaritsa təmsilçisinin rəsmi saytı xəbər yayıb. İyulun 22-nə nəzərdə tutulan görüşün bir gün tez olacağı bildirilib.
Buna səbəb həmin gün ölkənin digər klubu "Partizan"ın da Konfrans Liqasında Slovakiyanın "Dunayska Streda" komandası ilə eyni şəhərdə ev oyununa çıxmasıdır. UEFA-nın qaydalarına əsasən, eyni gündə bir şəhərdə avrokubok matçı oynanıla bilməz.
Qeyd edək ki, komandalar arasında cavab oyunu iyulun 29-da Sumqayıtdakı "Kapital Banl Arena"da olacaq.
