İtaliya Futbol Federasiyasının prezidenti Karlo Taveççio "Yuventus"la bağlı gündəm yaradacaq açıqlamalar verib. Sportnet.az-ın məlumatına görə, o, federasiya haqqında verilən məhkəmə şikayətinin geri çəkiləcəyi təqdirdə Turin təmsilçisinə əvvəlki iki çempionluğunun verilə biləcəyindən danışıb.
Qurum rəsmisi şikayət ərizəsində göstərilən 443 milyon avroluq təzminatın federasiyanı batıracağını bildirib: "2004/05-də boş qalan və 2005/06 mövsümündə "İnter"ə verilən çempionluq "Yuventus"un ola bilər. Bunun üçün "Yuventus" federasiyanı batırmaq istəyindən əl çəkməlidir".
