Bu gün Türkiyə 1-ci Liqasında XXVI turun oyunları keçiriləcək. Sportnet.az-ın məlumatına görə, turun ilk oyun günündə 4 qarşılaşma baş tutacaq ki, millinin üzvləri Kamran Ağayev və mahir Şükürovun da komandası meydana çıxacaq.
Ağayevin qapısını qoruduğu "Kayserispor" öz meydanında "Giresunspor"u qəbul edəcək. Matç Bakı vaxtilə saat 16:00-da start götürəcək. Mahir Şükürovlu "Karşıyaka" isə doğma azarkeşlər önundə "Adanaspor"la münasibətlərinə aydınlıq gətirəcək. Qarşılaşma Bakı vaxtilə 20:30-da başlayacaq.
Qeyd edək ki, bügünkü görüşlərdə Kamran Ağayevin meydana çıxacağı gözlənilsə də, düşərgəyə gec qoşulduğu üçün heyətdən kənarlaşdırılan Mahir Şükürov komandasını tribunadan izləməli olacaq.
