İspaniya çempionatının 30-cu turunda "Rayo Valyekano" ilə səfərdən 2:0 hesablı qələbə ilə ayrılan "Real Madrid" klubunun futbolçusu Kriştianu Ronaldu növbəti şəxsi nailiyyətinə imza atıb. Sportnet.az-ın məlumatına görə, portuqaliyalı hücumçu "kral klubu"nun heyətində 300-cü qolunu vurub.
O, 68-ci dəqiqədə qeydə alınan ilk qolun müəllifi olub. 30 yaşlı ulduz "Real Madrid"də 2009-cu ildən çıxış edir. Bu müddətdə Ronaldu "kral klubu" ilə İspaniya çempionluğu (2012), İspaniya Kuboku (2011, 2014), Çempionlar Liqası (2014) və UEFA Super Kuboku (2014), İspaniya Super Kuboku (2012) və klublararası dünya çempionluğu (2014) qazanıb. Futbolçu, həmçinin 2 dəfə "Qızıl top"a (2013, 2014) sahib olub.
