UEFA Çempionlar Liqasının qrup mərhələsində V tura yekun vurulub.
Sportnet.az-ın məlumatına görə, son 6 oyundan sonra daha 2 komanda 1/8 finala vəsiqəni təmin edib.
A qrupunda İngiltərə "Liverpul"u Niderlandda "Ayaks"ı 3:0 hesabı ilə darmadağın edərək, adını növbəti mərhələyə yazdırıb.
B qrupunda Madrid "Atletiko"su İspaniyada Almaniya "Bayer"i ilə heç-heçə edib - 2:2. Bu nəticə qrupun digər iştirakçısı olan Portuqaliya "Portu"sunu pley-offa çıxarıb.
C qrupunda "Barselona" İspaniyada Almaniya "Bavariya"sını 0:3 hesabı ilə uduzub. Turnirlə vidalaşması daha əvvəl rəsmiləşən Kataloniya təmsilçisi mübarizəni Avropa Liqasının pley-off mərhələsində davam etdirəcək. İtaliya "İnter"i və "Bavariya" isə qrupdan çıxmağı təmin edib.
--------------------------------------------------
UEFA Çempionlar Liqasının qrup mərhələsində V turun daha 2 oyunu keçirilib.
Sportnet.az-ın məlumatına görə, B və C qrupundakı matçlardan sonra 1/8 finalın növbəti iştirakçısı müəyyənləşib.
İtaliyada Çexiyanın "Viktoriya" (Plzen) komandasına 4 cavabsız qolla qalib gələn "İnter" adını pley-offa yazdırıb. Bu, nəticədən sonra C qrupunda İspaniya "Barselona"sının turnirlə vidalaşması rəsmiləşib.
B qrupunda isə Portuqaliya "Portu"su Belçikada "Brügge"ni darmadağın edib - 4:0. Bu qrupun digər oyununda Madrid "Atletiko"su İspaniyada Almaniya "Bayer"ini məğlub edə bilməsə, Portu şəhərinin eyniadlı təmsilçisi vaxtından əvvəl 1/8 finala adlayacaq.
----------------------------------------------------
Bu gün UEFA Çempionlar Liqasının qrup mərhələsində V tura yekun vurulacaq.
Sportnet.az-ın məlumatına görə, A, B, C və D qruplarında keçiriləcək 8 oyundan sonra pley-offun daha 4 iştirakçısı müəyyənləşə bilər.
A qrupunda İngiltərə "Liverpul"u Niderlandda "Ayaks"ın qonağı olacaq. Mersisaydlılar səfərdə uduzmasa, vaxtından əvvəl 1/8 finala adlayacaq. Qrupun digər matçında "Napoli" İtaliyada Şotlandiya "Reyncers"ini sınağa çəkəcək.
B qrupunda Portuqaliya "Portu"su Belçikada "Brügge"yə qalib gəlsə, pley-offa vəsiqəni təmin edə bilər. Bunun üçün Madrid "Atletiko"su İspaniyada Almaniya "Bayer"i ilə görüşdə xal itirməlidir.
C qrupunda "İnter" İtaliyada Çexiyanın "Viktoriya" (Plzen) komandasını yensə, İspaniyada "Barselona" və Almaniya "Bavariya"sı arasında keçiriləcək görüşün nəticəsindən asılı olmayaraq, adını növbəti mərhələyə yazdıracaq.
D qrupunda isə "Tottenhem" İngiltərədə Portuqaliya "Sportinq"indən üstün olsa, 1/8 finala yüksələcək. Qrupun digər oyununda isə Fransa "Marsel"i Almaniyada "Ayntraxt" (Frankfurt) komandasının qonağı olacaq.
Çempionlar Liqası
Qrup mərhələsi, V tur
26 oktyabr
A qrupu
23:00. "Napoli" (İtaliya) - "Reyncers" (Şotlandiya) - 3:0
Qollar: Covanni Simeone, 11; 16. Leo Estiqor, 80
23:00. "Ayaks" (Niderland) - "Liverpul" (İngiltərə) - 0:3
Qollar: Məhəmməd Salah, 42. Darvin Nunyes, 49. Harvi Elliott, 52
Xal durumu: "Napoli" - 15 . "Liverpul" - 12. "Ayaks" - 3. "Reyncers" - 0.
B qrupu
20:45. "Brügge" (Belçika) - "Portu" (Portuqaliya) - 0:4
Qollar: Mehdi Taremi, 33; 70. Evanilson, 57. Stiven Euştakiu, 60
23:00. "Atletiko" (Madrid, İspaniya) - "Bayer" (Almaniya) - 2:2
Qollar: Yannik Karrasko, 22. Rodriqo De Paul, 50 - Mussa Diabi, 9. Kallum Hodson-Odoi, 29
Xal durumu: "Brügge" - 10. "Portu" - 9. "Atletiko" - 5. "Bayer" - 4.
C qrupu
20:45. "İnter" (İtaliya) - "Viktoriya" (Plzen, Çexiya) - 4:0
Qollar: Henrix Mxitaryan, 35. Edin Dzeko, 42; 66. Romelu Lukaku, 87
23:00. "Barselona" (İspaniya) - "Bavariya" (Almaniya) - 0:3
Qol: Sadio Mane, 10. Erik Çupo-Motinq, 31. Benjamin Pavar, 90+5
Xal durumu: "Bavariya" - 15. "İnter" - 10. "Barselona" - 4. "Viktoriya" - 0.
D qrupu
23:00. "Tottenhem" (İngiltərə) - "Sportinq" (Portuqaliya) - 1:1
Qol: Rodriqo Bentankur, 80 - Markus Edvards, 22
23:00. "Ayntraxt" (Frankurt, Almaniya) - "Marsel" (Fransa) - 2:1
Qollar: Daiti Kamada, 3. Randal Kolo Muani, 27 - Matteo Genduzi, 22
Xal durumu: "Tottenhem" - 8. "Sportinq" - 7. "Ayntraxt" - 7. "Marsel" - 6.
Qeyd edək ki, daha əvvəl İtaliyanın "Napoli", Belçikanın "Brügge", Almaniyanın "Bavariya" və "Borussiya" (Dortmund), İspaniyanın "Real Madrid", Fransanın PSJ, Portuqaliyanın "Benfika", İngiltərənin "Mançester Siti" və "Çelsi" komandaları pley-off vəsiqəni təmin ediblər.
Qeyd edək ki, daha əvvəl İtaliyanın "Napoli", Belçikanın "Brügge", Almaniyanın "Bavariya" və "Borussiya" (Dortmund), İspaniyanın "Real Madrid", Fransanın PSJ, Portuqaliyanın "Benfika", İngiltərənin "Mançester Siti" və "Çelsi" komandaları pley-off vəsiqəni təmin ediblər.
