"Çox yaxşı deyildik, bu doğrudur. Daha inamlı çıxış edə bilərik. Komandada gərginlik var".
Sportnet.az-ın məlumatına görə, bunu Niderland millisinin baş məşqçisi Lui van Qal Qətərdəki dünya çempionatında Seneqala 2:0 hesabı ilə qalib gəldikləri A qrupunun I tur oyunundan sonra mətbuat konfransında deyib.
71 yaşlı mütəxəssis bildirib ki, Memfis Depayı meydana buraxdıqdan sonra qol vuracaqlarını hiss edib: "Belə də oldu. Memfis oyunun gedişatını dəyişdirə bilən oyunçudur. Kodi Qakpo da ilk qoluna görə əhəmiyyətli rol oynadı. Amma çox yaxşı oynamadıq. Son məşqi nəzərə alsaq, bunun olacağını bilirdim".
Qeyd edək ki, Niderland yığması qrupdakı ikinci matçını noyabrın 25-də Ekvadora qarşı keçirəcək.
