Bu gün AFFA-nın inzibatı binasında İntizam Komitəsinin iclası keçirilib. Sportnet.az-ın məlumatına görə, komitə I Divizionun XXVII turunun oyunlarında baş vermiş qayda pozuntuları ilə bağlı qərarlar qəbul edib.
"Turan Tovuz” – "Zirə” matçında "Zirə” klubunun 6 futbolçusu sarı vərəqə ilə cəzalandığı üçün klub 100 manat cərimə olunub.
"Neftçala” – "Şuşa Qarabağ” matçında "Şuşa Qarabağ” klubunun 4 futbolçusu sarı vərəqə ilə cəzalandığı üçün klub 100 manat cərimə olunub. Oyunun 83-cü dəqiqəsində "Şuşa Qarabağ”ın futbolçusu Qafar Əliyev idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün 1 oyun cəzalanıb, klubu isə 20 manat cərimə olunub.
"Kəpəz” – "Bakılı” matçının 75-ci dəqiqəsində "Bakılı”nın futbolçusu Nihad Əmirli idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün 1 oyun cəzalanıb, klubu isə 20 manat cərimə olunur.
