Sumqayıt məktəbliləri üçün "Futbol və Sağlam Həyat" layihəsinin icrasına start verilib. Sportnet.az-ın məlumatına görə, layihənin bu gün keçirilmiş açılış mərasimində Azərbaycan milli komandasının baş məşqçisi Robert Prosineçki də iştirak edib.
Əsas məqsəd gənc və yeniyetmə şagirdlərin futbola cəlb edilməsi, futbolsevərlər arasında bu idman növünün təbliği, futbolun kütləviliyinin artırılması və gənclərin sağlam həyata yönləndirilməsindən ibarətdir.
Layihə "Sumqayıt" Futbol Klubu, Təhsil Nazirliyi, Sumqayıt Şəhər İcra Hakimiyyəti, Sumqayıt Şəhər Təhsil Şöbəsi və "Azərikimya" İB-nin təşkilatçılığı ilə həyata keçirilir.
